Lloret de Mar Costa Brava

liebi gäscht, d`coschta brava, mer seids emmer weder, eschs juwel vo spanie! mit dene schöne sandstränd ond glichzitig mit dene wonderschöne bärglandschafte ond piniewälder esch de wildischt ond schönschti küstestreife. geografisch gseh liit sie sehr günschtig, nämlich nöch a de französische gränze, nöch vo de pyrenäe ( schifahre!!!) ond diräkt am meer.
d`coschta brava esch die richschti region vo katalonien, scho set johre chömid sehr veli turischte do äne us ganz europa, wo bi üs ferie machid. wer eimol in lloret gseh esch, befallt en virus namens lloretitis! für veli esch es en zwöiti heimat worde ond einigi defo hend sech de traum erföllt, für ganz do z`wohne. i de zwöschezyt hemer guti autobahnverbendige noch barcelona ond gerona.
früener esch mer met em bus oder auto cho, hüt chamer vel gönschtiger met em flugzüg cho. zom bispiel met de ryanair vo basel noch gerone (ryanair.com) oder met easyjet ab züri oder basel. do liit locker emol es verlängerets wocheänd drinne. vorallem em winter, wenns bi üs i de schwyz grau in grau esch ond mer wet weder emol sonne gseh!
au fählts do ned a sportliche aläss. zom bispel de fc barcelona im "CAMP NOU", was s` heimatstadion vo barcelona esch. au werdid do in lloret vo zyt zo zyt fuessballturnier abghalte, wo sech jedi mannschaft cha amälde. es hed au en hufe golfplätz ond tennisplätz, also a sportliche aktivitäte heds för jede öpis ome. i de gägend heds au vel schlösser, historischi baute, burge un chele. gerona hed en wonderbar schöni altstadt ond barcelona muess mer eifach emol gseh ha! au gastronomie zeigt sech vo de beschte siite. do gets en hufe restaurants mit iheimische ond internatinale chuchi. chorz om, üsi region hed kulturell ond kulinarisch rüüdig vel z`biete.
d`katalane firid eri fäschter noch em chrischtliche kaländer ond sehr farbefroh.
noch de wiehnachtszyt ond eme super loschtige silveschter werdid am 5. januar am obig die drü heilige könige empfange ond gfiiret, das hender no nie so gse. bem katalanische nationaltanz "SARDANA" werd au no hüt zo verschedene aläss s`tanzbei gschwonge
es witers event eschs füürfeschtival in blanes, wo jedes johr en ganzi woche dured ond emmer em juli stattfendet. do träffid sech vel füürwärker us ganz europa ond fieberid om d`wett, wer schönschti ond s`gröschti füürwärk het. es esch eifach rüüdig schön!!!!!